tu ambaa ya ambalika..
Tu suraj ki hai lau me koi,
shab ki koi sheetalta..
Tu jharne ka bahta paani,
Ya shringaar kiye jawani..
Tu ehsaas koi mand pawan ki,
Ya aagaaz mast basant ki..
Tu jivan ki saar hai koi,
Ya mera armaan hai koi..
Tu mitti ki bhini khushboo,
Ya hai koi dirgh aarzoo..
Khuda ki koi shaan hai tujhme,
Ye uska ehsaan hai mujhpe..
Tujhko wo fursat se banaya,
Har aks me mujhko hai basaya..
Tu meri jasbaat bani,
tu meri fitrat me saji..
Tune baandhi dor saanso ki,
Bankar meri har ek hansi....
Regards,
Brijesh Kumar Pandey
No comments:
Post a Comment